Kenu ku ensera tuai, dulu kelia menua Langgung Engkabang endang sigi tebilang diuan mayuh macham bansa burung. Menua nya sigi agi kampung jerung lalu tumbuh mayuh macham bansa kayu enggau buah kampung. Semua bansa burung ke diau dia chukup pengerami laban jarang ditujah anak mensia. Enda jauh ari menua nya mega bisi siti rumah panjai ke benama Rantau Lelengau. Nyadi pengidup urang rumah panjai nya endang beduduk ari asil kampung magang baja begiga ke nyelutung, betarit ke wi (rutan) kelimpah ari ke bumai betaun.
Lengka ke enda lama cherita kitai mensia kira sesempa rampang pinang, nyau ngenang bansa burung ke nguan kampung jerung mayuh pemerindang ti betuaika Kenyalang Nakung, betangkung ngelung mirah chechinang. Bemulut burak, baka paut mata beliungbujang. Beiku panjai, chelum menyeling buraj bekengkang. Besayap lundai, enti terebai tinggi lelegai ngemela remang. Laju udu, sempama peluru leka senapang. Bekaki kuning, kena minching kemayau chelum takang. Mata lansik, bebulu ngelentik baka sumbuk lalang. Gamal iya sigat sereta kering baka Keling laki Kumang, pang baka kepayang rendam sepagi. Bala burung ke bukai sigi bebasa ke iya magang.
Mandal kenyalang Nakung iya nya Tajai Burik, bebulu perintik bechura kuning. Lis dipeda, enti dipancar panas nyau menyeling. Betangkung muntat, penuh enggau selikap tulang juring. Bepatuk nyuntai, kena nyanggai takang dabai pelimping. Bemata segala, enti iya malik tajam gegining. Belanggai panjai, enti terebai nyadika uling. Bepending lansik, kena ninga rentik papan rerending. Betisik kaki baka anyam kerising. Enti terebai melunggang datai ngapus ke tinting. Semua pengawa sida iya di Langgung Engkabang sigi betuai ke Kenyalang Nakung magang lalu dibantu Tajai Burik enggau sida ke bukai. Enti ngembuah sama segulai, enti penusah sama bela ngasai. Sida mega chukup rindang laban nadai utai ngacau. Nyau pengelama ke udah nguan menua nya, dia bala rayat ke dipegai Kenyalang Nakung nyau majak nambah.
Ari siti, dia deh Kenyalang Nakung lalu mai sida baum bebagi menua. Sida lalu begempuru ba tengah-tengah pulau Langgung Engkabang laban deka berandau nusun serangan endur sida diau. Pengudah bala nembiak iya terenah duduk, Kenyalang Nakung pan lalu bejaku.
"Nyadi, kebuah aku mai bala kitai mayuh berandau, laban bisi utai deka ditusun enda dilamun, deka diatur deka dipujur. Sekumbang kitai ke udah pindah ari menua Emperan Kerapa Nawai, dia kita empu lebih agi nemu baka ni penyamai nguwan menua Langgung Engkabang tuk. Enti suba maya aku agi mit, nadai kala aku dibai sida aki ngembuah kara di Emperan Kerapa Nawai ngemesai buah ba Langgung Engkabang ditu. Nya kebuah kitai patut gaga bulih menua ke ngemanah tuk. Tang taja pia, kitai enda tau enda nusun menua kitai tu enggai ke majak sekut sereta bulih penyarut ngambika bisi chunto ke anak mensia sereta nyadika buah kenang sida, " pia ku Kenyalang Nakung ngepun ke jaku.
Sida ke bukai tachuh magang tanda gaga ninga jaku ke dipansutka Kenyalang Nakung nya tadi. " Nyadi tu pia mega, baka atur menua kitai tu baka tu. Aku nyadi ketuai ditu sigi ba tengah punjung, digelar Pulau Kemayau Lelang. tajai mua ke penatai, ba bukit landai Tinting Rindang. Sentuku muak ari ulu ba gerugu batu Tinting Labang. Kelalau sepiak kanan ngilah kerangan Tinting Puang. Rangak tunga ke lebak, nuntung di seradak tinting nansang lalu Kejakuh ba Sepiak luduh, penimpai jauh ari Tinting Pemandang." pia ku Kenyalang nakung bejaku magi menua.
to be continue...
Lengka ke enda lama cherita kitai mensia kira sesempa rampang pinang, nyau ngenang bansa burung ke nguan kampung jerung mayuh pemerindang ti betuaika Kenyalang Nakung, betangkung ngelung mirah chechinang. Bemulut burak, baka paut mata beliungbujang. Beiku panjai, chelum menyeling buraj bekengkang. Besayap lundai, enti terebai tinggi lelegai ngemela remang. Laju udu, sempama peluru leka senapang. Bekaki kuning, kena minching kemayau chelum takang. Mata lansik, bebulu ngelentik baka sumbuk lalang. Gamal iya sigat sereta kering baka Keling laki Kumang, pang baka kepayang rendam sepagi. Bala burung ke bukai sigi bebasa ke iya magang.
Mandal kenyalang Nakung iya nya Tajai Burik, bebulu perintik bechura kuning. Lis dipeda, enti dipancar panas nyau menyeling. Betangkung muntat, penuh enggau selikap tulang juring. Bepatuk nyuntai, kena nyanggai takang dabai pelimping. Bemata segala, enti iya malik tajam gegining. Belanggai panjai, enti terebai nyadika uling. Bepending lansik, kena ninga rentik papan rerending. Betisik kaki baka anyam kerising. Enti terebai melunggang datai ngapus ke tinting. Semua pengawa sida iya di Langgung Engkabang sigi betuai ke Kenyalang Nakung magang lalu dibantu Tajai Burik enggau sida ke bukai. Enti ngembuah sama segulai, enti penusah sama bela ngasai. Sida mega chukup rindang laban nadai utai ngacau. Nyau pengelama ke udah nguan menua nya, dia bala rayat ke dipegai Kenyalang Nakung nyau majak nambah.Ari siti, dia deh Kenyalang Nakung lalu mai sida baum bebagi menua. Sida lalu begempuru ba tengah-tengah pulau Langgung Engkabang laban deka berandau nusun serangan endur sida diau. Pengudah bala nembiak iya terenah duduk, Kenyalang Nakung pan lalu bejaku.
"Nyadi, kebuah aku mai bala kitai mayuh berandau, laban bisi utai deka ditusun enda dilamun, deka diatur deka dipujur. Sekumbang kitai ke udah pindah ari menua Emperan Kerapa Nawai, dia kita empu lebih agi nemu baka ni penyamai nguwan menua Langgung Engkabang tuk. Enti suba maya aku agi mit, nadai kala aku dibai sida aki ngembuah kara di Emperan Kerapa Nawai ngemesai buah ba Langgung Engkabang ditu. Nya kebuah kitai patut gaga bulih menua ke ngemanah tuk. Tang taja pia, kitai enda tau enda nusun menua kitai tu enggai ke majak sekut sereta bulih penyarut ngambika bisi chunto ke anak mensia sereta nyadika buah kenang sida, " pia ku Kenyalang Nakung ngepun ke jaku.
Sida ke bukai tachuh magang tanda gaga ninga jaku ke dipansutka Kenyalang Nakung nya tadi. " Nyadi tu pia mega, baka atur menua kitai tu baka tu. Aku nyadi ketuai ditu sigi ba tengah punjung, digelar Pulau Kemayau Lelang. tajai mua ke penatai, ba bukit landai Tinting Rindang. Sentuku muak ari ulu ba gerugu batu Tinting Labang. Kelalau sepiak kanan ngilah kerangan Tinting Puang. Rangak tunga ke lebak, nuntung di seradak tinting nansang lalu Kejakuh ba Sepiak luduh, penimpai jauh ari Tinting Pemandang." pia ku Kenyalang nakung bejaku magi menua.
to be continue...
